Më 31 janar 2025, u mbajt Konferenca Përmbyllëse e projektit Vepro Mençur, Kurse
Ujin! duke shënuar përfundimin e suksesshëm të këtij projekti.
I financuar nga Bashkimi Evropian në kuadër të Programit të Bashkëpunimit
Ndërkufitar IPA Mali i Zi-Kosovë 2014-2020, dhe i udhëhequr nga Qendra për Zhvillim
e Kosovës (KDC), projekti ka ndikuar ndjeshëm në përmirësimin e menaxhimit të
burimeve ujore në Mal të Zi dhe Kosovë.
Gjatë 24 muajve të zbatimit, në bashkëpunim me Vodovod “Bistrica” Bijelo Polje dhe
KRU “Hidrodrini” Pejë, u arritën rezultate kyçe, duke përfshirë:
- Zbatimin e sistemeve të mençura për matjen e ujit
- Ndërtimin e kapaciteteve dhe programe trajnuese
- Zbulimin e rrjedhjeve dhe monitorimin në kohë reale
- Rritjen e ndërgjegjësimit të komunitetit për përdorimin e qëndrueshëm të ujit
Ky projekt ka kontribuar në përmirësimin afatgjatë të menaxhimit të ujit në rajon.
